POLITICAL SPECIAL सिद्धार्थ खरातांचे नेतृत्व निष्ठावान शिवसैनिकांना अमान्य? बुलडाणा, सिंदखेडराजात जो माहौल झाला तो खरातांना जमला नाही;

बुलडाणा येथे शिवसेना जिल्हाप्रमुख जालिंधर बुधवंत यांनी काढलेली मशाल यात्रा आणि त्यानंतरचा आक्रोश मोर्चा अभूतपूर्व आणि अति-विराट असा ठरला. खा.अरविंद सावंत, विधान परिषदेचे विरोधी पक्षनेते अंबादास दानवे, नरेंद्र खेडेकर , जालिंधर बुधवंत यांची वादळी भाषणे आणि त्यावर उपस्थित जनतेच्या उस्फुर्त टाळ्या - शिट्ट्या सर्व काही सांगून गेल्या. मातृतीर्थ सिंदखेड राजात दिलीप वाघ यांनी आयोजित केलेला मोर्चा देखील प्रस्थापितांना धडकी भरवणाराच होता. त्या पार्श्वभूमीवर नुकतेच शिवसेनेत प्रवेश करणाऱ्या तसेच मंत्रालयात सचिव म्हणून काम करण्याचा अनुभव असणाऱ्या सिद्धार्थ खरातांनी देखील मेहकर येथे मोर्चाचे आयोजन केले होते. विरोधी पक्षनेते अंबादास दानवे या मोर्चाला येतील अशी जाहिरात करण्यात आली मात्र दानवे काही या मोर्चाला उपस्थित राहिले नाहीत.👇