POLITICAL रविकांत तुपकरांनी उद्धव ठाकरेंची भेट घेतली! राजकीय वर्तुळात वेगवेगळ्या चर्चांना उधाण; बुलडाणा विधानसभा मतदारसंघ तुपकरांसाठी सोडणार का ?

शेतकरी नेते रविकांत तुपकर यांनी लोकसभा निवडणुकीत अपक्ष म्हणून अडीच लाख मते घेतली होती. लोकसभा निवडणुकीआधी देखील तुपकर यांनी महाविकास आघाडीकडून निवडणूक लढवावी अशी महाविकास आघाडीतील अनेक नेत्यांची इच्छा होती. मात्र त्यावेळी नरेंद्र खेडेकरांना शब्द दिलेला असल्याने तुपकरांचे सुर जुळले नव्हते. मात्र निवडणूक निकलाअंती एकट्याच्या बळावर अडीच लाख मते घेत तुपकर महाविकास आघाडीच्या पराभवासाठी कारणीभूत ठरल्याचा निष्कर्ष निघाला होता.

त्यानंतर मात्र विधानसभा निवडणुकीच्या पार्श्वभूमीवर काहीही करून रविकांत तुपकर आपल्या बाजूने असावेत यासाठी महाविकास आघाडीच्या अनेक नेत्यांनी प्रयत्न सुरू केले आहेत. त्या प्रयत्नांचा भाग म्हणूनच काल उद्धव ठाकरे आणि रविकांत तुपकर यांच्यात भेट झाल्याचे बोलले जाते..