ना. प्रतापराव जाधवांची पंतप्रधान नरेंद्र मोदींसोबत योग - साधना! दहावा आंतरराष्ट्रीय योगदिन ठरला जिल्हावासीयांसाठी यादगार ..

  केंद्रीय मंत्री पदाची सूत्रे हाती आली आणि योगायोगाने योगदिनही जुळून आला. या पार्श्वभूमीवर ना. प्रतापराव जाधव यांनी जिल्ह्यातील नागरिकांनी योगदिनात सहभागी होण्याचे आवाहन केले होते. त्याला प्रतिसाद देत ठिकठिकाणच्या योगदिन कार्यक्रमात नागरिक उत्स्फूर्तपणे सहभागी झाल्याचे दिसून आले.

निरोगी आयुष्यासाठी योगावर भर द्या 

योग साधना ही आयुर्मान वाढविणारी आणि निरोगी आयुष्याची शिदोरी देणारी असल्याने प्रत्येक नागरिकांनी योग प्राणायाम केलेच पाहिजे, असे आवाहन करतानाच निरामय निरोगी आयुष्यासाठी योग, प्राणायाम एक वरदानच आहे, असा संदेश प्रतापराव जाधव यांनी आज योगदिनी देशवासियांना दिला.

जिल्हावासीयांनी याची डोळा पाहिला अभूतपूर्व सोहळा...

जागतिक योगदिनाचा मुख्यसोहळा जम्मू काश्मीर मध्ये पार पडला. या सोहळ्याच्या संयोजनात महत्वाची भूमिका निभावणारे जिल्ह्याचे भूमीपुत्र तथा केंद्रीय राज्य मंत्री या सोहळ्यात पंतप्रधान नरेंद्र मोदी यांच्या समवेत झळकले. जिल्ह्याचा सन्मान वाढविणारा हा अभूतपूर्व सोहळा लाखो जिल्हावासीयांनी याची देही, याची डोळा पाहिला. जिल्ह्याचे खासदार प्रतापराव जाधव यांना यंदा मोठा बहुमान लाभल्याने दूरवरच्या बुलडाणा जिल्ह्यातही जागतिक योग दिन यंदा उत्साहात साजरा करण्यात आला....