राज्य सरकारच्या निष्क्रियतेविरोधात महाविकास आघाडीचा १४ जुलैला माेर्चा!
सिंदखेड राजा येथे आयाेजन; माेर्चासाठी महाविकास आघाडीचे चाेख नियाेजन...
Jul 8, 2025, 16:30 IST
सिंदखेडराजा(बुलडाणा लाइव्ह वृत्तसेवा):विधानसभा मतदारसंघातील ज्वलंत प्रश्नांकडे राज्य सरकारकडून सातत्याने दुर्लक्ष होत असल्याचा आरोप करत महाविकास आघाडीच्या वतीने १४ जुलै रोजी सिंदखेडराजा येथे जनआक्रोश मोर्चाचे आयोजन करण्यात आले आहे. माजी मंत्री व विकास आघाडीचे नेते डॉ. राजेंद्र शिंगणे यांच्या नेतृत्वात हा माेर्चा काढण्यात येणार आहे.
महाविकास आघाडीने या मोर्चाच्या पार्श्वभूमीवर ५ ते १० जुलै दरम्यान पूर्ण विधानसभा मतदारसंघात दौरे आयोजित केले आहेत. यामध्ये आघाडीतील प्रमुख नेते व पदाधिकारी गावागावात जाऊन जनतेशी थेट संवाद साधणार आहेत.
या दौऱ्यात माजी मंत्री डॉ. शिंगणे यांच्यासोबत माजी आमदार तथा जिल्हा काँग्रेस अध्यक्ष राहुल बोंद्रे, शिवसेनेचे सहसंपर्कप्रमुख छगन मेहेत्रे हेही उपस्थित राहणार असून सर्व सर्कलमध्ये संयुक्त बैठका घेत आहेत. या बैठकींमध्ये राष्ट्रवादी काँग्रेस, भारतीय राष्ट्रीय काँग्रेस व शिवसेनेचे प्रमुख पदाधिकारी व कार्यकर्ते उपस्थित राहणार असून १४ जुलै रोजीचा मोर्चा ऐतिहासिक ठरावा यासाठी जय्यत तयारी सुरू आहे.