मातीमोल झाले हिरवे स्वप्न! मदत कशी मिळणार ? पिक विमा तर काढलाच नाही; एनडीआरएफ च्या नियमाने मिळणार मदत...?

बुलढाणा काल-परवा पावसाने सर्व दूर हजेरी लावली मात्र घाटावरील मेहकर व लोणारमध्ये ढगफुटीसदृश पाऊस झाला. महत्त्वाचे म्हणजे एकट्या जून महिन्यात जवळपास ३० महसूल मंडळांच्या वर भागात हेवी रेनची नोंद यंत्रणेने घेतली आहे. मेहकर भागात पैनगंगेला पूर आल्याने अनेकांची शेती वाहून गेली तर कॅनॉल फुटल्याने परिसरातील शेतकऱ्यांना याचा फटका बसला. या भागात सुरुवातीपासूनच पावसाने चांगली हजेरी लावली होती त्यामुळे शेतकऱ्यांनी पेरणीला प्राधान्य दिले होते. जवळपास पिकं देखील अंकुरली होती. मात्र काल परवाच्या पावसाने या पिकांचे प्रचंड नुकसान केले.