बुलडाण्यात ना. अंबादास दानवे घेणार जनता दरबार? 'ऑन द स्पॉट' समस्या सोडविणार!  उपस्थित राहण्याचे शिवसेना जिल्हाप्रमुख जालिंदर बुधवत यांचे आवाहन

लडाणा येथील कृषी उत्पन्न बाजार समितीच्या शेतकरी भवन येथे १७ जानेवारी रोजी सकाळी १० वाजता या जनाधिकार मेळाव्याला सुरुवात होणार आहे. या मेळाव्यामध्ये महसूल, पोलीस, आरोग्य, यासह विविध विभागांच्या अंतर्गत असलेल्या जन समस्यांचा निपटारा ऑन दी स्पॉट करण्यात येणार आहे. विधान परिषदेचे विरोधी पक्ष नेते नामदार अंबादास दानवे हे स्वतः या ठिकाणी अधिकाऱ्यांना सूचना करणार आहेत. आपल्या समस्यांचा निपटारा करण्यासाठी लेखी तक्रारीसह कागदपत्रे घेऊन गरजूंनी यावेळी उपस्थित राहावे असे आवाहन शिवसेना जिल्हाप्रमुख जालिंदर बुधवत यांनी केले आहे.