रविकांत तुपकर यांनी सोयाबीन भाववाढीसाठी अन्नत्याग आंदोलन केले त्यावेळी या आंदोलनाची सरकारने दखल घ्यावी म्हणून शेख रफिक यांनी अंगावर डिझेल ओतून घेत आत्मदहन करण्याचा प्रयत्न केला होता. याशिवाय रविकांत तुपकर यांच्यासोबत एका आंदोलनात त्यांनी जमिनीत गाडून घेतले होते. काही महिंन्याआधी झालेल्या आंदोलनात शेख रफिक यांनी रविकांत तुपकर यांच्यासोबत अकोला कारागृहात कारावास देखील भोगला होता. रविकांत तुपकर यांचे खंदे समर्थक म्हणून ओळख असलेल्या शेख रफिक यांनी स्वाभिमानी शेतकरी संघटनेचा राजीनामा देऊन शिवसेनेत प्रवेश का केला असेल? एकाएकी असे काय झाले असेल असे विविध प्रश्न उपस्थित होत आहेत.

  

शेख रफिक म्हणाले...

माझ्याकडे गुंठाभर जमीन नव्हती तरी मी १६ वर्षे चळवळीत प्रामाणिक पणे काम केले. मात्र आता तिथे थांबावेसे वाटत नव्हते. मी आधीच राजीनामा दिला होता मात्र रविभाऊंची आणि माझी भेट झाली नाही, त्यांचा फोन आला नाही. कदाचित त्यांना माझी गरज नसेल..त्यामुळे काहीतरी निर्णय घेण्याची इच्छा मनातून होती. आमदार संजय गायकवाड ज्या पद्धतीने सर्व धर्मीय समाजबांधवांच्या विकासासाठी झटत आहेत ते पाहून त्यांच्या नेतृत्वात काम करण्यासाठी शिवसैनिक झाल्याचे शेख रफिक म्हणाले. ज्यांच्यासोबत १६ वर्षे राहिलो त्यांच्यावर आपल्याला कोणतीही टीका करायची नाही असेही शेख रफिक म्हणाले.