"पडदानशिन' मतदारांसाठी महिला कर्मचारी नियुक्त!

अत्यंत गुप्तपणे प्रचार होणाऱ्या या निवडणुकीत एकूण 821 मतदार असून यात सर्वाधिक म्हणजे 367 मतदार बुलडाणा जिल्ह्यातील आहेत. यामुळे अर्थातच जिल्ह्यात सर्वाधिक म्हणजे 11 मतदान केंद्र असून, मोताळा व संग्रामपूर वगळता अन्य 11 तालुकास्थळी ही केंद्रे राहणार आहे. मतदारसंघातील मुस्लिम महिला मतदारांचे मतदान लक्षात घेता आयोगाच्या निर्देशानुसार त्यांची पडताळणी करण्यासाठी प्रत्येक केंद्रांवर महिला कर्मचारी नियुक्त करण्यात आले आहे. मतदान प्रतिनिधीने हरकत घेतल्यास व अन्य परिस्थितीत या कर्मचारी ओळख पटविण्याची कामगिरी बजावणार आहे. मतदारसंघातील केवळ 2 केंद्रावर मुस्लिम मतदार नसून, उर्वरित 20 केंद्रावर मुस्लिम मतदार आहेत. यामुळे या समाजाचे मतदान देखील एक निर्णायक  घटक आहे, हे विशेष.