विराट जनसमुदायाच्या साक्षीने डॉ.ऋतुजा चव्हाण यांनी भरला उमेदवारी अर्ज! वंचितचे प्रदेशाध्यक्ष तय्यब जफर म्हणाले, मेहकरात वंचितच घडवणार परिवर्तन! 

मेहकर मतदार संघ विकासापासून वंचित आहे. मेहकर चा विकास डॉ. ऋतुजा चव्हाण याच करू शकतात.कारण त्यांना समस्यांची जाण आहे असे प्रतिपादन यावेळी प्रदेशाध्यक्ष तय्यब जफर यांनी केले. डॉ. ज्ञानेश्वर टाले म्हणाले की, डॉ. ऋतुजा चव्हाण या नव्या दमाचे नेतृत्व आहेत. मेहकर विधानसभा मतदारसंघाला विकासाच्या उंचीवर घेऊन जायचे असेल तर डॉ.यांच्या पारड्यात मतांचे दान द्या असे आवाहन यावेळी त्यांना केले. डॉ.ऋतुजा चव्हाण यांनी राजकारणात प्रवेश करण्याविषयीची भूमिका विषद केली.

राजकीय व्यवस्थेला केवळ दोष दिल्यापेक्षा आपण त्यात जाऊन हे दोष कसे दूर करू शकतो या विचाराने राजकारणात आल्याचे त्या म्हणाल्या. मेहकर विधानसभा मतदारसंघात सिंचनाची सोय नाही, शिक्षणाची सोय नाही, आरोग्याचाही प्रश्न आहे, तरुणांना नोकऱ्या नाही.त्यामुळे या समस्या विधिमंडळात मांडण्यासाठी तुमची लेक म्हणून मी आवाज उठवणार आहे असे त्या म्हणाल्या..