BREAKING पक्की खबर..!आता विजयराज शिंदेंही लोकसभेच्या रिंगणात उतरण्याच्या तयारीत...

 अडीच वर्षांपूर्वी भाजपात प्रवेश करून विजयराज शिंदे यांनी लोकसभा निवडणुकीच्या तयारीला सुरुवात केली होती. मात्र मध्येच शिवसेनेत फूट पडल्याने शिंदेंच्या नेतृत्वातील शिवसेना भाजपासोबत आली. बुलडाणा लोकसभा मतदारसंघाचे विद्यमान खासदार शिंदे गटाचे खासदार प्रतापराव जाधव असल्याने शिंदे यांच्या तयारीला ब्रेक लागला होता. त्याउपरही जिथे जिथे संधी मिळेल तेव्हा तेव्हा विजयराज शिंदे बुलडाणा लोकसभा मतदारसंघ भाजपला मिळावा अशी आग्रही भूमिका मांडत होते. मात्र युतीच्या राजकारणात हा मतदारसंघ शिंदेगटाला सुटला. तेव्हापासून विजयराज शिंदे नाराज असल्याच्या चर्चा आहेत. महायुतीच्या मेळाव्यात देखील विजयराज शिंदे अनुपस्थित होते, शिवाय मेळाव्याच्या बॅनर वर विजयराज शिंदे याचा फोटो देखील नव्हता त्यामुळे विजयराज शिंदे यांच्या समर्थक नाराज होते. आता विजयराज शिंदे निवडणुकीच्या रिंगणात उतरणार असल्याची दाट शक्यता आहे. या संदर्भात शिंदे यांच्याशी संपर्क साधला असता त्यांनी तूर्तास यावर बोलण्यास नकार दिला, मात्र "पाहू " असे सांकेतिक उत्तर दिले...