आ. श्वेताताईंमुळे शेतकऱ्यांचं भलं!अखेर भक्तिमार्ग केला शासनाने रद्द! आमदार श्वेताताईंच्या पाठपुराव्याला मोठे यश...

राजमाता जिजाऊ माॅ साहेबांचे जन्मस्थान असलेले सिंदखेड राजा व संतश्रेष्ठ गजानन महाराजांचे समाधी स्थळ असलेल्या शेगाव या दोन पर्यटन स्थळांना जोडणारा तसेच समृद्धी महामार्गाला संलग्न असणारा १०९ किलोमीटर लांबीचा हा संकल्पित भक्तिमार्ग त्याच्या घोषणेपासूनच वादात अडकला होता.

या भक्ती महामार्गामध्ये आपली सुपीक जमीन जाणार असल्याने शेतकऱ्यांकडून या मार्गाला विरोध सुरू झाला होता. चिखली मतदारसंघात देखील अनेक शेतकऱ्यांनी हा मार्ग रद्द करावा अशी मागणी आ. श्वेताताई महाले यांच्याकडे केली होती. लोकसभा निवडणुकीच्या प्रचारादरम्यान पळसखेड दौलत येथे शेतकऱ्यांच्या शिष्टमंडळाशी बोलताना आ. श्वेताताई महाले यांनी सदर भक्ती मार्ग रद्द करण्याचे ग्वाही दिली होती. याशिवाय वेळोवेळी त्यांनी जाहीरपणे या महामार्गाच्या बद्दल आपली भूमिका स्पष्ट केली होती.