मधात गुंगीचे औषध टाकून तरुणीवर लैंगिक अत्याचार!

विवाहितेने दिलेल्या तक्रारीनुसार, डोके दुखत असल्याने उपचारासाठी ती मुश्ताककडे जात होती. तो औषध म्हणून देत असलेल्या मधात गुंगीचे औषध टाकत होता. तिला गुंगी आल्यानंतर तो तिच्यावर  लैंगिक अत्याचार करीत होता. महिलेला हे कळल्यानंतर त्याने तिला लग्नाचे आमिष दाखवले व पुन्हा वेळोवेळी शरीरसंबंध ठेवले. औरंगाबाद शहरातील आरेफ कॉलनी भागात मुश्ताकची बहीण राहते. तिच्या घरात हा सर्व प्रकार सुरू होता. रहेमानिया कॉलनी, कोहिनूर कॉलनी इथेही त्‍याने तिच्यावर लैंगिक अत्याचार केल्याचे तिने तक्रारीत म्हटले आहे. मात्र वर्षभरानंतर विवाहास टाळाटाळ करून विवाहितेच्या मुलाला व भावाला जीवे मारून टाकण्याची धमकी मुश्ताकने महिलेला दिली. अखेर तिने काल, ७ डिसेंबर रोजी बेगमपुरा पोलीस ठाण्यात दिलेल्या तक्रारीवरून मुश्ताकविरुद्ध गुन्हा दाखल करण्यात आला.