घरातून अचानक गायब झालेली तरुणी नेमकी कुठे गेली?; सोबत नेले दागिने, कागदपत्रे आणि ९० हजारांची कॅश! संशयाला नवे वळण...

मिळालेल्या माहितीनुसार, संबंधित तरुणी २२ जून रोजी सकाळी सुमारे ११ वाजताच्या दरम्यान घरातून बाहेर पडली. मात्र त्यानंतर ती परतलीच नाही. विशेष म्हणजे घरातील कोणालाही ती कुठे जात आहे याची कल्पना दिली नव्हती. बराच वेळ उलटल्यानंतर कुटुंबीयांनी तिचा शोध घेण्यास सुरुवात केली. नातेवाईक, मित्रपरिवार तसेच आसपासच्या परिसरात शोधमोहीम राबविण्यात आली; मात्र तिचा कोणताही ठावठिकाणा लागला नाही.

दरम्यान, घरातील वस्तूंची पाहणी करताना कुटुंबीयांना आणखी एक धक्कादायक बाब समोर आली. तरुणी घरातील शैक्षणिक कागदपत्रे, सोन्याची पोत आणि सुमारे ९० हजार रुपयांची रोकड सोबत घेऊन गेल्याचे निदर्शनास आले. त्यामुळे तिच्या अचानक गायब होण्यामागे नेमके कारण काय, याबाबत विविध तर्क-वितर्कांना उधाण आले आहे.

तक्रारीत संबंधित तरुणी एका युवकासोबत निघून गेल्याचा संशयही व्यक्त करण्यात आला आहे. त्यामुळे प्रकरणाला वेगळेच वळण मिळाले असून, पोलिसांनी सर्व शक्यतांचा तपास सुरू केला आहे. याप्रकरणी खामगाव ग्रामीण पोलिस ठाण्यात हरवल्याची नोंद करण्यात आली असून, पोलिसांकडून तरुणीचा शोध घेण्याचे प्रयत्न सुरू आहेत. तिचा ठावठिकाणा लागल्यानंतरच या रहस्यमय प्रकरणामागील खरी कारणे समोर येणार आहेत.