देऊळगाव महीत शेतकऱ्याच्या टीनशेडवर चोरट्यांचा डल्ला; शेती साहित्य, गहू अन् ३५ कोंबड्यांसह ₹२९ हजारांचा ऐवज लंपास

ADVT

या प्रकरणी देऊळगाव राजा पोलीस ठाण्यात अज्ञात चोरट्यांविरुद्ध गुन्हा दाखल करण्यात आला असून, पोलिसांकडून चोरट्यांचा शोध सुरू आहे.पोलिसांनी दिलेल्या माहितीनुसार, विजय शिंगणे (वय ४४, व्यवसाय – शेती) यांनी याबाबत फिर्याद दिली आहे. ही घटना २५ जुलै रोजी सायंकाळी ५ ते २६ जुलै रोजी सकाळी ९.३० या कालावधीत देऊळगाव मही शिवारात घडली. 

चोरट्यांनी टीनशेड व कुक्कुटपालन केंद्राचे कुलूप तसेच लोखंडी तार तोडून आत प्रवेश केला. यानंतर त्यांनी ५० किलो वजनाच्या खताच्या पाच पोत्या, दोन क्विंटल गहू, विविध शेती अवजारे, लहान-मोठ्या सुमारे ३० ते ३५ कोंबड्या आणि एक चार्जिंग पंप असा एकूण ₹२९ हजारांचा ऐवज चोरून नेला. घटनेची माहिती मिळताच पोलिसांनी घटनास्थळी पाहणी करून पंचनामा केला. या प्रकरणाचा पुढील तपास देऊळगाव राजा पोलीस करीत आहेत.