ट्रकवाला जास्त हुशार निघाला! "एलसीबी" वाले त्याहून हुशार! नाफेड केंद्रातून हरबरा घेतला, बाजार समितीत न्यायचा होता, पण अख्खा ट्रक गायब केला...३०० सीसीटीव्ही तपासले अन्... मलकापूरची घटना

प्रकरणाचा तपास स्थानिक गुन्हे शाखेकडे सोपविण्यात आला. पोलिसांनी गोपनीय माहिती, तांत्रिक विश्लेषण तसेच परिसरातील सुमारे ३०० सीसीटीव्ही फुटेजची तपासणी करून आरोपींचा शोध घेतला. तपासादरम्यान आरोपींना मलकापूर परिसरातून ताब्यात घेण्यात आले.

अटक करण्यात आलेल्या आरोपींमध्ये शेख अमीन शेख जमील (वय ३३), शेख समीर शेख सलीम (वय २७), शेख सादिक शेख नुरमोहमंद (वय २४), मो. मुस्कीन मो. मुशीर शेख (वय ३४) आणि सोहेल खान उर्फ शोपब युनुस खान (वय २३) यांचा समावेश आहे. सर्व आरोपी हे मलकापूर येथील रहिवासी आहेत.

कारवाईदरम्यान पोलिसांनी ११८.३५ क्विंटल हरभरा, ३ लाख रुपये रोख रक्कम आणि एमएच ४३ यू ५२९० क्रमांकाचा ट्रक असा एकूण १८ लाख ९१ हजार ७५० रुपयांचा मुद्देमाल जप्त केला आहे.

यांनी पार पडली कार्यवाही 

पोलीस अधीक्षक, 
निलेश तांबे,अपर पोलीस अधीक्षक, अमोल गायकवाड, अपर पोलीस अधीक्षक, श्रेणीक लोढा, यांचे आदेशाने स्थानिक गुन्हे शाखेचे पोलीस निरीक्षक सुनिल अंबुलकर यांच्या नेतृत्वाखाली पोलीस उपनिरीक्षक अविनाश जायभाये, पोहेकॉ दिपक लेकुरवाळे, शेख चांद, गणेश पाटील, पुरुषोत्तम आघाव, विजय पैठणे, पोकॉ गजानन गोरले, चासफौ विकास देशमुख, निवृत्ती पुंड, पोहेकॉ राजु आडवे यांनी पार पडली