विकृतीचा कळस! दुसऱ्याचं चांगल दिसत नव्हत,जळक्याने उपटली कपाशीची ४०० झाडे;

लोणार तालुक्यातील मांडवा येथील घटना..! 

मांडवा शिवारातील शेतात मंदा इंगळे यांनी कापूस लावला होता. शेतातील कामकाज आटोपल्यानंतर, दुसऱ्या दिवशी शेतात गेल्या अन् जे दृश्य दिसले ते पाहून मंदा इंगळे यांच्या पायाखालची जमीन सरकली.. कारण काबाडकष्टाने लावलेल्या कापसाची ४०० झाडे कुणीतरी उपटून नेली होती. त्यांच्या शेतातील उत्पादनावर करडी नजर ठेवून द्वेष भावनेने रातोरात ४०० झाडे उपटल्याचा हा प्रकार उघडकीस आला. मंदा इंगळे यांनी बीबी पोलीस ठाण्यात तक्रार दिली, २६ जुनच्या रात्री ही चोरी झाल्याचे तक्रारीत म्हटले आहे. यावरून पोलिसांनी अज्ञात चोरट्या विरोधात गुन्हा दाखल केला असून चोरट्याचा शोध लावण्याचे आव्हान पोलिसांसमोर आहे.