धक्कादायक! राजूर घाटात दुचाकीस्वारास तिघांनी लुटले; दुचाकीसह ७० हजार रुपयांचा एवज केला लंपास; अज्ञात तिघांविरुद्ध गुन्हा दाखल !
Oct 20, 2025, 20:58 IST
बुलढाणा (बुलडाणा लाइव्ह वृत्तसेवा) : शहरालगत असलेल्या राजुर घाटात पुन्हा लुटमारीच्या घटना सुरू झाल्या आहेत. १६ ऑक्टाेबर राेजी रात्री एका दुचाकीस्वारास अज्ञात तिघांनी लुटल्याची घटना उघडकीस आली आहे. या प्रकरणी बुलढाणा शहर पाेलिसांनी अज्ञात तिघांविरुद्ध गुन्हा दाखल केला आहे.
Advt 👆🏻
मुक्ताईनगर तालुक्यातील धाबे पिंपरी येथील विनोद शिवा मोहिते हे १६ ऑक्टाेबर राेजी दुपारी अंदाजे २ वाजता जालना येथून त्यांच्या गावी मोटरसायकल क्रमांक एमएच १९ इइ ३९६३ ने निघाले हाेते. रात्री अंदाजे आठ ते नऊ वाजेच्या दरम्यान ते राजुर घाटातील बालाजी मंदिराच्या वळणावर मोटरसायकलवरुन खाली पडले. त्यामुळे ते जखमी झाले.
यावेळी यापरिस्थितीत तेथे आलेलरूा अनोळखी तिघांनी त्यांच्या जवळील नगदी ३२०० रुपये, दुचकाी अंदाजे ६० हजार रुपये असा अंदाजे ७० हजार रुपयाचा मुद्देमाल अज्ञात चोरांनी मलकापूरच्या दिशेने चोरून नेला आहे. या प्रकरणी पाेलिसांनी अज्ञात तिघांविरुद्ध गुन्हा दाखल केला आहे. पोउपनि रवी मोरे हे करीत आहेत.