कर्तव्य बजावत असलेल्या ठाण्यातच पीएसआय आरोपीच्या पिंजऱ्यात; तक्रारदारास बेदम मारहाण; व्हायरल व्हिडीओनंतर नांदुरा पोलीस ठाण्यातच गुन्हा दाखल...

दरम्यान, या प्रकाराचा व्हिडीओ चित्रीकरण करण्याचा प्रयत्न केला असता संतप्त झालेल्या पीएसआय घाटोळ यांनी नालट यांना चापटी व बुक्क्यांनी मारहाण केल्याचा आरोप तक्रारीत करण्यात आला आहे. या प्रकरणी नांदुरा पोलीस ठाण्यात भारतीय न्याय संहिता कलम ११५ (२) अन्वये अदखलपात्र गुन्हा दाखल करण्यात आला आहे.

या घटनेचा सर्वात धक्कादायक पैलू म्हणजे, पोलीस उपनिरीक्षक घाटोळ हे सध्या नांदुरा पोलीस स्टेशनचे अधिकारी म्हणून कार्यरत असून, त्याच पोलीस ठाण्याच्या गुन्हे नोंदवहीत आता त्यांची नोंद ‘आरोपी’ म्हणून झाली आहे. या घटनेमुळे पोलीस प्रशासनाच्या कार्यपद्धतीवर गंभीर प्रश्नचिन्ह उपस्थित झाले आहे.