पती-पत्नीचा आत्महत्येचा प्रयत्न; पतीचा मृत्यू, पत्नी बचावली:नापिकी व कर्जबाजारीपणातून टोकाचे पाऊल...

मात्र यंदाच्या नैसर्गिक आपत्तीमुळे सोयाबीनचे पीक पूर्णपणे नष्ट झाले. त्यामुळे कर्जफेडीची चिंता वाढून घरात तणावाचे वातावरण निर्माण झाले. या नैराश्यातून वंदना दाभाडे यांचा मुलगा संतोष सखाराम दाभाडे (वय ३४) आणि त्याची पत्नी यांनी राहत्या घरी विषारी औषध प्राशन केले.

घटनेची माहिती मिळताच गावातील कोतवाल सचिन पडघान व ग्रामस्थांनी तत्काळ दोघांना जिल्हा शासकीय रुग्णालय, बुलढाणा येथे दाखल केले. उपचार सुरू असताना संतोष दाभाडे यांचा मृत्यू झाला, तर पत्नीवर उपचार सुरू असून तिचा जीव वाचला आहे.

या दुर्दैवी घटनेमुळे मेरा बु. गावात शोककळा पसरली असून शेतकरी कुटुंबांवरील आर्थिक संकट पुन्हा एकदा समोर आले आहे.