शेताच्या कंपाऊंडमध्ये सोडला करंट! शेतात निदंता निदंता लागला विजेचा धक्का! महिलेचा मृत्यू; खामगाव तालुक्यात हळहळ 

मृत महिला दुर्गाबाई सोमनाथ टेळे (वय अंदाजे ३०, रा. रोहणा) या आपल्या कुटुंबासह मेंढीपालन व्यवसाय करून उदरनिर्वाह करत होत्या. शनिवारी सकाळी त्या शेतात निंदणाचे काम करत असताना त्यांना धुऱ्यालगत लावलेल्या तार कंपाउंडचा विजेचा धक्का लागला. विजेचा जोरदार धक्का बसल्याने त्यांचा जागीच मृत्यू झाला.

घटनेची माहिती मिळताच फिर्यादी अंबादास बुधा टेळे (वय ४६, रा. लाखनवाडा, ता. खामगाव) यांनी घटनास्थळी धाव घेतली. तेव्हा दुर्गाबाई टेळे यांना विजेचा धक्का लागलेल्या अवस्थेत मृत आढळून आल्या. या प्रकरणी खामगाव ग्रामीण पोलीस ठाण्यात अकस्मात मृत्यूची नोंद करण्यात आली असून पुढील तपास पोलीस करीत आहेत.