मोठी बातमी! शेंबा येथील महाराष्ट्र बँकेचे एटीएम फोडले; १३ लाख २२ हजारांची रोकड घेऊन चोरटे कारमधून पसार

प्राप्त माहितीनुसार शेंबा येथील मुख्य रस्त्यावर महाबँकेचे एटीएम आहे. आज रविवारी पहाटे चार वाजताच्या आसपास ते फोडण्यात आले. प्रथम दर्शनी अंदाजानुसार 'गॅस कटर'च्या सहाय्याने एटीएम फोडून त्यातील मोठी रक्कम घेऊन चोरांची टोळी पसार झाली. एटीएम संबधित सुरक्षा यंत्रणा (सिक्युरिटी अलर्ट) मुळे पोलिसांना एटीम फोडल्याची माहिती मिळाली. यानंतर नजीकच्या पोलीस ठाण्याचे पोलीस दल व वरिष्ठ अधिकारी घटनास्थळी पोहोचले. परंतु तोपर्यंत चोर रोख घेऊन घेऊन पसार झाले होते. सीसीटीव्ही फुटेज मध्ये चोरांनी कार चा वापर केल्याचे आढळून आले. परिसरसह जिल्ह्यात पोलिसांनी नाकाबंदी केली आहे.