धोंगर्डी पुलाजवळ युवकावर कोयत्याने प्राणघातक हल्ला; आरोपी झाल्टे फरार!

या हल्ल्यात प्रतीक मोरेच्या मान, कान व डोक्यावर गंभीर जखमा झाल्या असून तो घटनास्थळीच कोसळला. स्थानिक नागरिकांनी तत्काळ त्याला मलकापूर येथील खासगी रुग्णालयात दाखल केले. डॉक्टरांनी त्याची प्रकृती सध्या स्थिर असल्याचे सांगितले आहे.
हल्ल्यानंतर आरोपी ज्ञानेश्वर झाल्टे हा प्रतीक मोरेची दुचाकी घेऊन घटनास्थळावरून फरार झाला. घटनेची माहिती मिळताच दसरखेड एमआयडीसी पोलिस स्टेशनचे पोलीस निरीक्षक संदीप काळे यांनी पथकासह घटनास्थळी धाव घेतली व पंचनामा केला.
पोलिसांनी आरोपीच्या शोधासाठी तपासाची चक्रे वेगाने फिरवली असून “लवकरच आरोपीला अटक करण्यात येईल,” अशी माहिती पोलिस सूत्रांनी दिली. या घटनेमुळे परिसरात खळबळ उडाली आहे.