धाड मध्ये धडाधड..! पशुधन विकास अधिकाऱ्याला मारहाण; चौघांविरुद्ध गुन्हा 

डॉ. देव्हाने धाड येथील  पशुवैद्यकीय दवाखान्यात कर्तव्यावर होते. त्याच वेळी आरोपी हे पॅनकार्ड व्हेरिफिकेशन व सत्यप्रत प्रमाणित करण्यासाठी आले. सध्या लम्पी आजाराचा प्रादुर्भाव मोठ्या प्रमाणात असल्याने आणि मृत जनावरांचे पडताळणी अहवाल करणे सुरू असल्याने कार्यालयाचा शिक्का बुलडाणा वरिष्ठ कार्यालयात असल्याचे सांगून सध्या पॅन कार्ड व्हेरिफिकेशन व सत्यप्रत  होऊ शकणार नसल्याचे डॉ. देव्हाने  यांनी आरोपींना सांगितले. परंतु शिक्का का नाही अशी हुज्जत घालून आरोपींनी डॉ.देव्हाने यांना मारहाण करीत फरफटत नेले. याशिवाय तू गावात नोकरी कशी करतो अशी धमकी देखील आरोपींनी दिल्याचे तक्रारीत म्हटले आहे.