दिल्लीतील लाठीचार्जच्या निषेधार्थ बुलढाण्यात युवक काँग्रेसचे अर्धनग्न आंदोलन; पोलिसांशी झटापट, केंद्रीय शिक्षण मंत्र्यांच्या राजीनाम्याची मागणी... पोलिसांनी आंदोलकांना घेतले ताब्यात 

आंदोलन अधिक तीव्र होत असल्याचे लक्षात येताच घटनास्थळी बंदोबस्तासाठी तैनात पोलिसांनी आंदोलनकर्त्यांना रोखण्याचा प्रयत्न केला. यावेळी दोन्ही बाजूंमध्ये काही काळ धक्काबुक्की, ओढाताण आणि झटापट झाली. परिस्थिती चिघळू नये म्हणून पोलिसांनी तत्काळ हस्तक्षेप करत आंदोलनकर्त्यांना ताब्यात घेतले.या आंदोलनामुळे जयस्तंभ चौक परिसरात काही काळ तणावपूर्ण वातावरण निर्माण झाले होते. पोलिसांनी परिस्थिती नियंत्रणात आणल्यानंतर वाहतूक आणि जनजीवन पूर्ववत झाले. युवक काँग्रेसने विद्यार्थ्यांवरील कारवाईचा निषेध कायम ठेवत केंद्र सरकारने या प्रकरणाची जबाबदारी निश्चित करावी, अशी मागणी पुन्हा एकदा केली.