बुलडाणा शहरातल्या गुंडांना धास्ती! आता २६ महत्वाच्या ठिकाणी ९९ सीसीटिव्ही कॅमेरे! पोलिसांच्या नजरेतून कुणीच सुटणार नाही!

 बुलडाणा शहरातील अतिमहत्वाच्या अशा २६ ठिकाणी हे ९९ कॅमेरे बसवण्यात येणार आहेत. शहरातील इक्बाल चौक, टिपू सुलतान चौक, आठवडी बाजार, जयस्तंभ चौक, कोर्ट चौक, कारंजा चौक, संगम चौक,राजमाता चौक, सोसायटी पेट्रोलपंप चौक, गजानन महाराज चौक, चावडी चौक, एडेड चौक, भोंडे सरकार चौक यासह इतर महत्वाच्या ठिकाणी हे कॅमेरे बसवण्यात येणार आहे. आमदार गायकवाड यांच्या सहकार्याने या प्रस्तावास मंजुरी मिळाली.या कॅमेऱ्याच्या माध्यमातून शहरातील घटनांवर २४ तास पोलिसांची नजर राहणार आहे, यासाठी एक विशेष नियंत्रण कक्ष स्थापन करण्यात येणार आहे.