आमदार डॉ. शिंगणेनी घेतली महत्वाची बैठक! अधिकाऱ्यांना धारेवर धरले; आता १५ दिवसांच्या आत सिंदखेडराजा, देऊळगावराजा, लोणार आणि चिखली तालुक्यातील शेतकऱ्यांच्या खात्यात जमा होणार पीक विम्याचे पैसे;

  सिंदखेडराजा, देऊळगावराजा, लोणार आणि चिखली या तालुक्यातील ४३ हजार ५०५ शेतकऱ्यांना खरीप हंगामातील पिकांच्या नुकसानीपोटी आतापर्यंत २३४१.५ कोटींची पीक विम्याची रक्कम देण्यात आली आहे. ७४१९ शेतकरी खरीप हंगामाच्या पीक विम्याच्या नुकसान भरपाई पासून वंचित आहेत. तर रब्बी हंगामाच्या नुकसान भरपाईपासून १७ हजार ३६८ शेतकरी वंचित आहेत. या शेतकऱ्यांच्या खात्यात १५ दिवसांच्या आत रक्कम जमा करण्याचा शब्द पीक विमा कंपनीने आ. डॉ.राजेंद्र शिंगणे यांना दिला आहे. खरीप हंगामाच्या नुकसानीपोटी ७४१९ शेतकऱ्यांना १६०.४७ कोटी तर रब्बी हंगामातील नुकसानीपोटी १७३६८ शेतकऱ्यांच्या खात्यात ३९०९.९ कोटी रुपये जमा होणार आहेत.