गांगलगावात संतप्त शेतकऱ्यांनी "या" शासन आदेशाची होळी केली!  म्हणाले, शेतकऱ्यांना विश्वासात घेतले नाही.

   सिंदखेड राजा ते संत नगरी शेगाव हा भक्तिमार्ग समृद्धी महामार्गाला जोडणारा आहे. या परिसरातील शेतकऱ्यांना काहीही न सांगता, तसेच विश्वासात न घेता या महामार्गाच्या निर्मितीसाठी प्रशासन हालचाली करीत आहेत. मोजमाप सुरू करण्यात आली आहे, ठिकठिकाणी चिन्हे लावण्यात आली आहे. याआधी समृद्धी महामार्गाने शेतकऱ्यांच्या जमिनी बळकवण्याचा घाट घातलाच ! असा आरोप शेतकरी संघटनेचे विनायक सरनाईक यांनी केला आहे. यासंदर्भात तीव्र आंदोलन छेडणार असल्याचा इशाराही त्यांनी दिला. या शासन आदेशाची होळी पेटवताना गांगलगाव येथील सर्व ग्रामस्थ तसेच नितीन सुरेश म्हस्के,शिवाजी म्हस्के, शिवशंकर म्हस्के, प्रमोद म्हस्के, संतोष म्हस्के , मंगेश म्हस्के, राजू महास्केत, रघु म्हस्के,अमोल म्हस्के, समाधान म्हस्के , ऋषिकेश शेळके यांची उपस्थित होती. काहीही झाले तरी या महामार्गासाठी जमिनी द्यायचे नाही असा निश्चय यावेळी ग्रामस्थांनी केला आहे.