तुम्हाला अंचरवाडीला जायचे असेल तर जाऊच नका! पावसाळा सुरू झाला तरी पुलाचे काम अपूर्ण; शेतातून काढलेल्या पर्यायी रस्त्यावर दिवसभरात पन्नासेक मोटारसायकली धबाधब पडल्या..चार चाकी तर जातच नाही!

अंचरवाडी ते अंचरवाडी फाटा यादरम्यान असलेल्या नदीवर पुलाचे काम सुरू आहे. पावसाळा सुरू झाला तरी कामात होत असलेल्या दिरंगाईमुळे अद्याप काम पूर्ण झालेले नाही. संबंधितांनी उन्हाळ्यात पर्यायी रस्त्याची सोय केली होती, ती एका शेजारच्या शेतातून.मात्र आता पावसाळा सुरू झाल्याने निखळ शेतातून असलेल्या कच्चा रस्ता वापरण्यायोग्य राहिलेला नाही. पहिल्याच पावसात गावकऱ्यांची मोठी दैना झाली. पेरणीच्या तयारीसाठी गावाबाहेर जाणाऱ्या शेतकऱ्यांची अक्षरशः फजिती होत आहे. आज दिवसभरात पन्नासेक मोटारसायकली निसरड्या झालेल्या रस्त्यावरून धबाधब पडल्या. काही महिला देखील पडल्या..गावकऱ्यांकडून याबाबत संतप्त प्रतिक्रिया उमटत आहेत.काय करायचे ते करा पण पुलाचे काम वेळेत पूर्ण करा नाहीतर तीव्र आंदोलन छेडू अशा प्रतिक्रिया गावकऱ्यांनी व्यक्त केल्या आहेत..