संयमाची परीक्षा पाहू नका, माझ्या जीवाचे काही बरे वाईट झाल्यास सर्वस्वी राज्य सरकार जबाबदार! रविकांत तुपकरांचा इशारा; अन्नत्याग आंदोलनाचा तिसरा दिवस उजाडला,

सिंदखेडराजा(बाळासाहेब भोसले:बुलडाणा लाइव्ह वृत्तसेवा): सरकारने आमच्या संयमाची परीक्षा पाहू नये, आम्ही काही भिक मागत नाही आहोत..आम्ही आमचा हक्क मागतोय, घामाचे दाम मागतोय. ते जर तुम्हाला देता येत नसेल तर खुर्च्या खाली करा..अन्नत्याग आंदोलनामुळे माझ्या जीवाचे काही बरेवाईट झाले तर त्याला सर्वस्वी सरकार जबाबदार असेल..शेतकऱ्यांनी कायदा हातात घेतला तर मग मात्र सरकारची भंबेरी उडेल असा इशारा रविकांत तुपकर यांनी राज्यसरकारला दिला आहे. रविकांत तुपकर यांच्या अन्नत्याग आंदोलनाचा आज तिसरा दिवस आहे, पोटात अन्नाचा कणही न घेतल्याने त्यांच्या रक्तातील साखरेचे प्रमाण कमी झाले आहे त्यामुळे त्यांची तब्येत खालावली आहे...