पाहणी आणि पंचनामे सोबत करा! आ. श्वेताताई महाले यांच्या अधिकाऱ्यांना सूचना! आमदार पोहचल्या शेताच्या बांधावर, स्वतः केली हुमणीने बाधित शेताची पाहणी..

डवरणी, स्प्रिंकलर लावणे, औषधी फवारणी केली तरी सुद्धा अळी नियंत्रणात येत नाही आहे.तसेच शासन निर्णयात किंवा पिक विमा योजनेमध्ये किड रोगाने, अळीने पिकांचे नुकसान झाल्यास त्याची भरपाई मिळणे संदर्भात तरतुद नाही. अशा वेळेस निसर्गाच्या प्रकोपामुळे परेशान झालेल्या शेतकऱ्याला सरकारकडून मदतीचा हात मिळणे गरजेचे असून,या बाबतीत सरकारकडून निश्चितच योग्य पावले उचलली जातील याची आपल्याला खात्री आहे.असे आ. सौ श्वेता महाले यांनी बोलतांना सांगितले.

या हुमणी अळीमुळे किंवा कीड रोगामुळे होणाऱ्या नुकसानीचे पंचनामे करून विशेष बाब म्हणून शेतकऱ्यांना मदत मिळवून देण्यासंदर्भात संबंधितांना आदेश देण्यात यावे अशी विनंती आ. सौ श्वेता महाले यांनी शेतकऱ्यांच्या वतीने सरकारला केली.