BREAKING शेतकरी आंदोलनाचा वणवा भडकला! बुलढाणा जिल्हाधिकारी कार्यालयात फटाक्यांची लढ फोडली... पोलीस मेन गेटवर होते, पोतडीभर फटाके घेऊन आंदोलक दुसऱ्या गेटमधून घुसले.. फट फट फट आवाजाने खळबळ

शेतकरी नेते रविकांत तुपकर १५ जूनपासून बुलढाण्यात अन्नत्याग आंदोलनाला बसले आहेत. प्रशासनाने या आंदोलनाकडे अद्याप लक्ष दिलेले नाही, त्यामुळे शेतकरी आंदोलन आक्रमक झाले आहेत. विविध मार्गाने आंदोलन करून प्रशासनाचा आंदोलनाकडे लक्ष वेधण्याचा प्रयत्न शेतकऱ्यांकडून सुरू आहे. आज दुपारी बुलढाणा जिल्हाधिकारी कार्यालयाच्या परिसरात आंदोलन शेतकरी ॲड.प्रवीण सुरडकर यांनी पोतडीभर फटाके घेऊन जिल्हाधिकारी कार्यालयात मागेल गेटने प्रवेश केला. एकाएकी फटाक्यांचा आवाज येऊ लागल्याने जिल्हाधिकारी कार्यालयात खळबळ उडाली.. पोलिसांनी आंदोलन शेतकऱ्याला ताब्यात घेतले असून बुलढाणा शहर पोलीस ठाण्यात स्थानबद्ध केले आहे. दरम्यान शेतकरी आंदोलन अधिक चिघळण्याची शक्यता आहे..