BIG NEWS देवेंद्र फडणवीसांनी केंद्रांत जावं अन् एकनाथ शिंदेंनी मुख्यमंत्री व्हावं! आमदार संजय गायकवाड म्हणाले, "ही" माझ्यासह अनेक आमदारांची इच्छा.....

 राज्याच्या राजकारणात संजय राऊत, पृथ्वीराज चव्हाण यांच्यासह अनेक नेते देवेंद्र फडणवीसांच्या केंद्रात जाण्याविषयी सातत्याने बोलत आहेत. याच पार्श्वभूमीवर आ. संजय गायकवाडांना देखील विचारणा करण्यात आल्यावर त्यांनी एकनाथ शिंदे मुख्यमंत्री व्हावेत ही तमाम महाराष्ट्राची इच्छा असल्याचे म्हटले. देवेंद्रजींनी केंद्रात जावं आणि एकनाथ शिंदेंना मुख्यमंत्रीपदाची संधी द्यावी ही माझ्यासह अनेक आमदारांची इच्छा आहे.

 मात्र याबद्दलचा निर्णय आमच्या हातात नाही. एकनाथ शिंदे आमचे नेते आहेत म्हणून आम्हाला तसं वाटणं स्वाभाविक आहे. मी जर भाजपमध्ये असतो तर मला देवेंद्रजींबद्दल देखील असंच वाटलं असतं..पण हा निर्णय महायुतीचा आहे, पंतप्रधान नरेंद्र मोदी, अमित शहा भाजपची टीम आणि आमचे नेते याबद्दल निर्णय घेतील असे आ.संजय गायकवाड म्हणाले..